ракета траекториясын анықтаудың фазалық жүйесі

(Фазовая система определения траектории ракеты)

ракетаның ұшу траекториясын жердегі радиосигналдарды хабарлағыш пен ракетадағы жауап бергіш радиосигналдар фазасын салыстыру арқылы анықтайтын радиотехникалық құралдар кешені. Жауап беруші қосымша жер үсті станциясы мен негізгі станция сигналдарының фазасын салыстыру ракетаның орнын анықтауға мүмкіндік береді, өйткені фазалық жылжу ракетаның жүріп өткен жолына пропорционалды. Кейбір фаза жүйесінің құрамына 3 қабылдағыш-хабарлағыш станция кіреді. Олардың бірі негізгі, ал екеуі кезекпен көмекшілік қызметін атқарады: өз хабарлағышының сұрауына ракетадан жауап сигналдарын қабылдайды. Сөйтіп әр станция өз бетінше қашықтықты өлшеп, сол үш сфероидтың қиылысуы арқылы ракетаның орны анықталады.